كل عام و ملتقى الائتلافية و أعضاءه بخير :) سنة أولى :)

منطلقة بطموحي · Mon 25- 02-2008, 01:20 AM

السلام عليكم ورحمة الله وبركاته ..

" شكرا لـ العزيزة نوانة على التصميم "

كل عام و انتم بخير

..الملتقى كمّل سنته الأولى ..

مادري شقول من الوناسة

..

كان عندي كلام مرتب .. و مصفف .. ودي اقوله في هذا اليوم ..

لكن جابلت الـ كيبورد .. و طلع معاي جيذي

..

ما ابي اقول لكم كلام مرتب و مصفف مثل المهرجانات و المؤتمرات ..

ابي اقول لكم كلام طالع من قلبي .. و ابيه يوصل لقلبكم .. تعبيرا عن شكري لكم ..

الحمد لله .. ها نحن ندخل السنة الثانية .. بمشيئة الله ..

احب اشكر كل عضو و عضوة ساهموا في نجاح الملتقى ..

صحيح ان الملتقى صار له بس سنة وحدة .. لكن - بشهادة الناس - تفوق على منتديات كثيرة صار لها سنين ..نعم ، و لله الحمد ..

قدر ملتقى الائتلافية بإدارته و أعضائه ان يتميز و ينشهر .. بفترة بسيطة مقارنة بالمنتديات الثانية ..

حاولنا نحن كإدارة الملتقى ان ما نقصر معاكم و نساعدكم و نختار الأمور والخدمات اللي تفيدكم و تعجبكم و تنال رضاكم ..

سامحونا على أي تقصير .. ما ودنا نقصر مع اي احد منكم ..

واجهتنا أمور هالسنة ( كونها سنة التأسيس ) و الحمد لله و الفضل لله ان قدرنا نتجاوزها ..

الصراحة كانت سنة صعبة وايد .. و متعبة .. لأن بالبداية دايما يكون الأمر صعب ..

و الحمد لله قدرنا نوصل لمستويات عالية ..

و نتمنى من الله القدير ان نحافظ على هالمستوى و نصعد للأعلى للقمة ان شاء الله .. بجهودكم و جهود الإدارة ..

الصراحة .. مادري شقول ..

كلام وايد يقرقع بقلبي .. لكن .. دمعت عيني بدخول السنة الثانية للملتقى ..

ما تتصورون اشكثر هالملتقى عزيز علي ..

تعرفت من خلاله على بنات من ذهب وألماس .. والله بنات ينحطون على الراس ..

ما ابي اذكر اساميهم عشان لا انسى احد و اقصر بحقها ..

لكن جد جد ، الله يخليكم لي و لا يحرمني منكم ..

شفت نقاشات بالملتقى .. من أروع و أرقى النقاشات .. و تعلمت الكثير من الشباب و البنات من طريقة اسلوبهم و أدبهم و احترامهم .. تعلمت منكم و اتمنى من الله القدير ان يكون هذا في ميزان حسناتكم ..

ضحكت على مشاركات في قسم الملتقى الترفيهي ، و كنت وقتها في ضيق و حزن .. فـ اسأل الله ان يسعدكم مثل ما اسعدتوني ..

مادري شقول لكم ..

والله انني استفدت منكم و استانست بصحبتكم ..

و صدقوني كثر ما اقدر ، راح اعطيكم و ارضيكم ..

باذن الله .. هالاسبوع .. راح تشوفون تغييرات كثيرة في الملتقى ..

انا حطيت في أعلى الملتقى هذه العبارات منذ شهر تقريبا :

اقتباس


	25 - 2 - 2008 يكمل المنتدى سنة ! إن شاء الله .. أكثر من 20 مفاجأة سوف تنطلق في سماء الملتقى .. لأعضائنا و عضواتنا الأعزاء تـغـيـيـرات + تـجـديـدات + خـدمـات جـديـدة + شـعـار جـديـد + تـطـويـرات مو طبيعية !! فـــــــنــــاتــــق شي خــــيــــال !!! ترقبوا !!! باذن الله و بدأ العد التنازلي .. إدارة ملتقى الائتلافية

و انا عند كلمتي ..

باذن الله من اليوم الى الاثنين القادم .. يعني طول هالاسبوع .. راح تشوفون مفاجآت و امور جديدة بالملتقى ..

فيه ناس عبالهم كل شي بحطه اليوم .. لكن لأ ، مو هذا اللي مخططين له ..

خليتها على شكل اسبوع ..

لكن مو معناته اسبوع و خلاص عقبها ماكو شي .. لا .. باذن الله راح تستمر انشطتنا و فعالياتنا بشكل مستمر ..

أوعدكم ، و أوعد فريق الاشراف ، ان هالسنة باذن الله راح تكون أفضل من السنة اللي طافت .. و أقوى ..

شكرا يا اخواني الاعضاء ، شكرا يا اخواتي العضوات .. جزاكم الله كل خير ..

و شكر كبير كبير لأخواني وأخواتي في فريق الاشراف اللي والله ما قصروا و حيل ساعدوا و تعبوا وايد .. و كله في ميزان حسناتكم يا رب ..

ان شاء الله التجديدات و المفآجآت راح تنكتب في :
http://www.q8moltaqa.net/vb/showthread.php?t=11224

تابعوه

و خلونا نشوف ، ملتقى الائتلافية شنو بيسوي ..

و السلام عليكم ورحمة الله وبركاته ..

اختكم ،
منطلقة بطموحي
25 - 2 - 2008

ㄨcla$$ίς MaNㄨ · Mon 25- 02-2008, 01:32 AM

كل عااام والملتقى بألف خيير يارب 00

وانتم بعد يا مشرفينا الاعزاء ماقصرتو 00 ومجهودكم واضح 00

ومن ناحيه المفاجآت 00 المنتدى منتدانا كلنا 00 وكلنا لازم نساهم بمفاجآته 00

يعطيج الف عافيه اختي منطلقه على مجهودج الواضح وتألقج خلال السنه اللي راحت 00

وعقبال 10000 سنه للأمام يارب

i`ll back · Mon 25- 02-2008, 01:41 AM

بسم الله الرحمن الرحيم

أنا من آخر الأعضاء المنتسبين لمنتداكم ( قصدي منتدانا

) اللي بصراحة ماقول عنه الا راقي بطرحه

وبهالمناسبة أحب أباركلكم كلكم على إكمال مشوار العام وأقولكم عقبال 100 عام

وانشالله مزيد من الرقي والتطور

أخوكم

i`ll back

عاشقة المتحدون · Mon 25- 02-2008, 01:42 AM

مشكووووووووووووووووووووووووووووووره يا أغله منطلقه طموح في الدنيه

صج إسم على مسمه إنطلقتي في هالمنتدى الراقي بكل مافيه و كان عندج طموح و الحمد الله تحقق و حصل المنتدى على أكبر نجاح و على ثقت الأعضاء إلي فيه و حبهم

فأهنيج إختي منطلقه بطموحي

و أقولج مبروك عليج النجاج و حبج للمنتدى و مرور سنه عليه

وهنيئاً لج بحينه و حترامنه للمنتدى و للأعضاء إلي فيه و هنيئاً لج على لستاف المشرفين صج قروب ولا أروع

و الصراحه إحنه إلي ستفدنه وايد ومن كل النواحي

فحبيت أقولج مشكووووووووووووووووووووووووووووووووووووووووووووووو وووره

على جهدج الواضح إنتي و المشرفين إلي وصلتوا هالمنتدى للمستوى هذا بفضل الله ثم بقضلكم

ومشكوووووووووووووووووووووووووووووووووووووووووووووو وووووووووووووره

إنج حطيتيلنا منتدى يجمع كل الإئتلافين و نتبادل أخبارنه و ونستفيد منهم و يستفيدون منه و ناقش بعض في كثير من الأمور بإسلوب مثل ما عودتونا و لإتلافيه عودتنا أسلوب حواري محترم ونقد بناء

شكراً ألف شكر لكل القائمين على المنتدى و المشرفين و العاملين عليه و الأعضاء

و أوجه شكري و متناني لختي الغاليه منطلقه و هنيها يمرور عام على المنتدى

وشكراً.......

HARRY POTTER · Mon 25- 02-2008, 01:48 AM

مبروووووووووووووك عليكم كلكم ومنها للأحسن والأفضل والأعلى

وبميزان حسناتكم إن شالله

طموحي اكبر · Mon 25- 02-2008, 02:00 AM

الف مبروك عليكم
وكل عام وانتو بالائتللافيه بالف صحه والف خير
تحياتي لكم
واتمنى لكم دوم الرقى في مجال الانترنت
مشكوره اختي منطلقه على الجهود المبذوله
تحياتي لكم

blue_rose · Mon 25- 02-2008, 02:01 AM

كل عااام والجميع بخير...
شكرا للجميييييييييييييييع
و إلى الأمام يا ملتقى الإئتلافية

صحيح تسجيلي بالمنتدى قبل يومين...
ولكني متابعه جيده للملتقى
يارب يكون تجمعنا فيه الخير لنا
و عسى ربي يجمعنا بالجنة ان شاء الله

المسافر · Mon 25- 02-2008, 02:02 AM

ألف مبروك ومنها للأعلى

وتحية خاصة لصاحبة الموقع وطاقم الاشراف قاطبة وإلى كافة الأعضاء

ومنها للأعلى ، فعلا صرح شامخ جمع الجميع تحت ظله

كلية العلميه · Mon 25- 02-2008, 03:04 AM

يعطيج العافيه اختي منطلقه

وقواج الله ويعطيكم العافيه طاقم الاشراف كلكم وقواكم الله

إلى الامام معاكم ان شاء الله

" نـور " · Mon 25- 02-2008, 03:36 AM

كل عام واهوه بخيرر

ادام تمميز الملتقى يارب

وشكراً لكِ منطلقة على كل شي وجهود رائعة ما اشاء الله عليج

كفوو والله

وبالتوفيق